सुनाकोठीबाट वालिका बलात्कारको अभियोगमा लामा पक्राउ

ललितपुर
२५ असोज । ललितपुरको सुनाकोठीबाट १४ वर्षीया बालिका बलात्कारको अभियोगमा एक युवक पक्राउ परेका छन् । प्रहरीका अनुसार नाम गोप्य राखिएको ती वालिकालाई बलात्कार(जबरजस्ती करणी) गरेको अभियोगमा ललितपुर महानगरपालिका २७ सुनाकोठी बस्ने काभ्रे पनौती घर भएका २८ वर्षीय दीपक लामालाई बुधबार दिउँसो प्रहरीले पक्राउ गरेको हो ।
लामाले ती बालिकालाई असोज २० गतेदेखि २३ गतेसम्म पटकपटक बलात्कार गरेको उजुरी परेको थियो । उजुरीको आधारमा प्रहरी वृत्त चापागाँउबाट खटिएको प्रहरीले उनलाई पक्राउ गरेको हो ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।