महाँकाल गाँउपालिका अध्यक्ष केसी चढेको गाडी दुर्घटना, अवस्था सामान्य

ललितखबर
१६ कात्तिक । ललितपुर महाँकाल गाँउपालिकाका अध्यक्ष गणेश केसी चढेको गाडी दुर्घटना भएको छ ।
दक्षिण ललितपुरको गोटिखेलमा गाडी दुर्घटनापछि अध्यक्ष केसीको स्वास्थ्य अवस्था सामान्य रहेको उपाध्यक्ष गोल्मा मायाँ गोलेले बताइन् ।
उनले भनिन्, ‘सामान्य दुर्घटना हो । डराउनु पर्ने अवस्था छैन । अध्यक्षज्यूलाई स्वास्थ्य चौकीमा सामान्य उपचारपछि घरमा लगिएको छ ।’
अध्यक्ष चढेको गाडीको टायर सडकबाट बाहिर पुगेको थियो ।
गोटीखेलको वगीडोल भन्ने ठाँउमा दुर्घटनाको खबर आएको टुंगुन प्रहरी चौकी गोटिखेलले जानकारी दिएको छ । प्रहरी चौकीका एक प्रहरीले भने, ‘हाम्रो टोली घटनास्थल जाँदैछ ।’

गाडीमा अध्यक्ष केसी दम्पती रहेको बुझिएको छ । दुर्घटनामा परेको गाडीको नम्बरलगायत विस्तृत विवरण संकलन कार्य भइरहेको प्रहरीको भनाई छ ।