नख्खु खोलाको इटा भट्टाको टहरामा एक पुरुष मृत फेला

१५ मंसिर । ललितपुरको नख्खुखोलाको एक इटा भट्टाको टहरामा पुरुष मृत फेला परेका छन् ।
प्रहरीका अनुसार ललितपुर गोदावरी नगरपालिका १२ ठेचो नख्खुखोलास्थित चाइनिज इटा भट्टाको टहराभित्र हाल नाम, थर, वतन नखुलेका अन्दाजी ४० वर्षीय पुरुष बिहीबार मृत अवस्थामा फेला परेका हुन् ।
साथै काठमाडौंको तार्केश्वर नगरपालिका ६ धर्मस्थली सानोबाइपास बस्ने नुवाकोट बाराही घर भएकी ३४ वर्षीया शोभा राई आफ्नै कोठामा बिहीबार मृत अवस्थामा फेला परेकी छिन् । घटनाहरुका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।