ललितपुरको गोदावरीमा चोरी

ललितपुर
२० पुस । ललितपुरको गोदावरीमा चोरी भएको छ ।
प्रहरीका अनुसार ललितपुरको गोदावरी नगरपालिका ३ मनोक्रान्ति हाइट बस्ने गजेन्द्र राज नेम्वाङको घरमा चोरी भएको हो ।
नेम्वाङका घरमा कोही नभएको अवस्थामा नगद तथा जिन्सी सामानहरू समेत गरी करिब ३ लाख ९९ हजार रूपैयाँ बराबरको धनमाल बिहीबार बिहान चोरी भएको प्रहरीको भनाई छ ।
प्रहरीले चोरीमा संलग्न हाल फरार व्यक्तिहरूको खोजी गर्नुका साथै घटना सम्बन्धमा आवश्यक अनुसन्धान गरिरहेको छ ।