चापागाँउको टाहाखेलमा जल्यो गोठ, मरे तीन भैसी

ललितखबर
३ माघ । ललितपुरको चापागाँउ टाहाखेलस्थित एक गोठमा आगलागी हुँदा तीन भैसी मरेका छन् । प्रहरीका अनुसार गोदावरी नगरपालिका १० टाहाखेल बस्ने कृष्ण प्रसाद घिमिरेको नयाँ बस्तीमा पशुपालन फार्मको छाप्रोमा कुडो पकाउने क्रममा मंगलबार दिउँसो आगलागी भएको हो ।
आगलागीपछि छाप्रोमा ३ वटा भैंसी, भैंसीको दाना, भुसा, पिना, ढुटो, पराल, भुसा काट्ने चाँप कटर मेसिन १ थान र अन्य सरसामान गरी १० लाख २३ हजार ३ सय रूपैयाँ बराबरको धनमाल जलेर नष्ट भएको छ ।
गोठमा ताल्चा मारे बाहिर गएको बेला आगलागी भएको हो । ताच्चा फोड्न समय लागेका कारण भैसी जोगाउन नसकिएको एक स्थानीयले बताए ।
आगलागीको क्रममा एउटा भैसी घाइते छ ।
गोठमा दाउरा पराल र सोत्तरलगायत राखिएको ठाँउमा आगो सल्किएको कारण छिट्टै गोठ जलेर नष्ट भएको हो । गोठमा पराललगायत सरसामान र आगो बाल्ने चुलो एकै ठाँउमा भएका कारण दुर्घटना भएको हो ।