ललितपुरका विभिन्न स्थानमा आज विद्युत अवरुद्ध, किन ?

काठमाडौं
५ माघ । आज ललितपुरको दक्षिण भेगमा विद्युत अवरुद्ध हुँदैछ । विद्युत प्रधिकरणले ललितपुर महानगर र गोदावरी नगरका विभिन्न ठाँउमा ६ घण्टा विद्युत बन्द गर्दैछ ।

पछिल्लो समय ललितपुरको विद्युत वितरणमा सुधार गरिरहेको प्राधिकरण चापागाउँ फिडरको लाइनमा कम्पोजिट फिडर तान्दैछ । फिडर तान्नका लागि विहान १० बजे देखि ४ बजेसम्म विद्युत बन्द हुने भएको हो ।
फिडरको कामका लागि प्राधिकणले ललितपुरमहानगरको चिबहाल गेटदेखि सिमाको चोकसम्म विद्युत अवरुद्ध गर्दै छ । उता गोदावरीको चापागाँउ, टाहाखेल, ठेचो, झरुवारासी, लेले र टिकाभैरवमा विद्युत बन्द हुन लागेको हो ।
फिटर तान्ने काम ४ बजे अगाडि नै सम्पन्न भए विद्युत चाडै जोडिने प्राधिकरणले प्रकाशित गरेको सूचनामा उल्येख छ ।