दक्षिण ललितपुरको चन्दनपुरमा आगलागी

ललितपुर
१८ माघ । दक्षिण ललितपुरको चन्दनपुरस्थित एक घरमा विद्युत् सर्ट भएर आगलागी भएको छ ।
ललितपुर प्रहरीका अनुसार महांकाल गाउँपालिका ४ चन्दनपुर बस्ने दिपेश तिमल्सिनाको घरमा विद्युत सर्ट भएर बुधबार साँझ आगलागी भएको हो ।
आगलागीपछि उनको घरभित्र रहेका लत्ताकपडा, भाँडावर्तन, अन्नपात लगायतका सर सामानहरु पूर्णरूपमा जलेर नष्ट भएको छ । आगलागीपछि करिब ७ लाख रूपैयाँ बराबरको धनमाल नष्ट भएको प्रहरीले आकलन गरेको छ ।
आगलागीपछि प्रहरीले स्थानीय बासिन्दाको सहयोगमा नियन्त्रणमा लिएको थियो । घटनाका सम्बन्धमा आवश्यक अनुसन्धान गरिरहेको समेत जानकारी दिएको छ ।