चापागाँउ र भट्टेडाँडाका प्रहरीद्वारा चोरीको स्कुटर र मोटरसाइकलसहित चार जना पक्राउ

ललितपुर
२२ माघ । महानगरिय प्रहरी बृत्त चापागाँउ र इलाका प्रहरी चौकी भट्टेडाँडाबाट खटिएका प्रहरीले स्कुटर चोरीका आरोपमा चार जनालाई पक्राउ गरेको छ ।
पक्राउ पर्नेमा मकवानपुर भिमफेदी गाउँपालिका ७ घर भई काठमाडौं बल्खु बस्ने २८ वर्षीय सनम मगर र मकवानपुर हेटौंडा उपमहानगरपालिका १९ चिसापानी घर भई काठमाडौं बल्खु बस्ने २० वर्षीय शैलेश आले रहेका छन् ।
ललितपुर महानगरपालिका १३ नख्खु सनराईज अपार्टमेण्टबाट चोरी भएको बा.९७ प ३०२ नम्बर स्कुटरसहित सनम मगर र गोदावरी नगरपालिका १३ झरूवारासीबाट चोरी भएको बा.९५ प २८०९ नम्बरको स्कुटरसहित शैलेश आलेलाई प्रहरीले पक्राउ गरेको हो ।
उनीहरू उपर जिल्ला अदालत ललितपुरबाट ७ दिन म्याद थप अनुमति लिई थप आवश्यक अनुसन्धान भइरहेको छ ।
यसैगरी काठमाडौं गोकर्णेश्वर नगरपालिका ४ माकलबारीबाट गत शुक्रबार चोरी भएको बागमती प्रदेश ०२–०३८ प ०३४५ नम्बरको मोटरसाइकलसहित २ जनालाई प्रहरी चौकी भट्टेडाँडा ललितपुरबाट खटिएको प्रहरीले शनिबार पक्राउ गरेको छ ।
पक्राउ पर्नेहरूमा मकवानपुर बकैया गाउँपालिका १ बस्ने १८ वर्षीय किशोर र बागमती गाउँपालिका ३ बस्ने २४ वर्षीय छविलाल बज्यु रहेका छन् ।
उनीहरूलाई थप अनुसन्धानको लागि प्रहरी वृत्त बौद्ध काठमाडौंमा पठाइएको प्रहरीले जानकारी दिएको छ ।