ललितपुर महानगर एनजिओलाई बजेट बाँड्दै, महानगर भित्रै असन्तुष्टि

पाटन (ललितपुर)
१४ वैशाख । ललितपुर महानगरले एक एनजिओलाई आर्थिक सहयोग गरेको छ ।
महानगरले खुट्टा गुमाएका सात जनालाई कृत्रिम खुट्टा राख्न भन्दै सुन्दर ढोका साथीसेवा नामको एनजिओलाई महानगरको बजेट दिएको हो ।
महानगरपालिकाले उक्त संस्थालाई रु चार लाख ४३ हजार पाँच सयको चेक बिहीबार प्रदान गरेको हो ।
विसं २०७२ को भूकम्पमा खुट्टा गुमाएका सात बालबालिकालाई कृत्रिम खुट्टाको व्यवस्थाका लागि उक्त रकम प्रदान गरिएको महानगरप्रमुख चिरीबाबु महर्जनले बताए ।
जनप्रतिनिधि र कर्मचारीको क्षमता अभिवृद्धि गर्न विनियोजन गरेको रकम तालिममा खर्च नगरी एनजिओलाई दिएको महर्जनले बताएका छन् ।
सुन्दर ढोका साथीसेवाका अध्यक्ष कोषविलास अधिकारीले सरकारी बजेट पाएपछि खुशी हुँदै महानरलाई कृतज्ञता व्यक्त गरे ।
महानगरका मेयर चिरिबाबु महर्जनले आफूखुशी थुप्रै बजेट खर्च गर्दा महानरको अर्थिक पारदर्शितामा प्रश्न उठ्ने गरेको छ ।
अर्थिक बर्ष ०७९ ८० मा महानगरको बजेटमा रू.६१ करोड ८९ लाख ७२ हजार बेरुजु देखिएको थियो । मेयर महर्जनले आफूखुशी बजेट विभिन्न एनजिओलाई दिने र प्रचारबाजी गर्ने गरेको विषयमा महानगरका कर्मचारी र जनप्रतिनिधि रुष्ट छन् ।