पुर्वराजा ज्ञानेन्द्र शाह ललितपुर पाटनका मन्दिरहरुको दर्शन गर्दै

ललितखबर
४ जेठ । पुर्वराजा ज्ञानेन्द्र शाह ललितपुर पाटनका विभिन्न मठमन्दिर भ्रमण गर्ने भएका छन् ।
यही सोमबार अपरान्ह पाटका हिन्दु तथा बौद्ध मठमन्दिरहरुको दर्शन गर्ने कार्यक्रम रहेको पुर्वराजा ज्ञानेन्द्र शाहको नागरिक मूल समारोह समिती सचिवालयका सदस्य प्रकाश महर्जनले बताएका छन् ।
बंगलामुखी, गोल्डेन टेम्पल, संकटा मन्दिर दर्शन गरेर पाटन दरवार स्क्वायर पुगेर कृष्ण मन्दिर दर्शन गर्ने महर्जनले बताए ।
पुर्वराजा ज्ञानेन्द्र शाहको ललितपुर भ्रमणका लागि नागरिक मूल समारोह समिती समेत गठन गरिएको छ । समितीको संयोजक किरणमान प्रधान र रुकमणी अवाले रहेका छन् ।
पुर्वराजा ज्ञानेन्द्र शाहको स्वागतका लागि बाजागाजा सहितको झाँकी प्रस्तुत गर्ने कार्यक्रम राखिएको छ ।
सो कार्यक्रमको जानकारी दिन आज अपरान्ह पत्रकार सम्मेलन समेत आयोजना गरिएको छ ।