ललितपुरको इमाडोलबाट गाँजा सहित बृद्ध महिला पक्राउ

ललितपुर
१६ जेठ । ललितपुरको इमाडोलबाट एक बृद्ध महिला गाँजासहित पक्राउ परेकी छिन् ।
ललितपुर प्रहरीका अनुसार महालक्ष्मी नगरपालिका १ सम्झना टोलबाट सोही ठाउँ बस्ने काभ्रे पनौती घर भएकी ५९ वर्षीया मनुमाया तामाङलाई मंगलबार दिउँसो प्रहरीले पक्राउ परेकी हुन् ।
उनको साथबाट अवैध लागूऔषध गाँजा २ किलो ८० ग्रामसहित प्रहरी प्रभाग इमाडोलबाट खटिएको प्रहरीले पक्राउ गरेको हो ।
उनको सम्बन्धमा प्रहरीले अनुसन्धान गरिरहेको जानकारी दिएको छ ।