१८ साउन । प्रधानमन्त्री केपी शर्मा ओलीको मन्त्रिपरिषद्ले पूर्णता पाएको छ । कांग्रेसबाट दुई र नागरिक उन्मुक्ति पार्टी (नाउपा)बाट एक राज्यमन्त्री नियुक्ति गरेपछि मन्त्रिपरिषद्ले पूर्णता पाएको हो ।
शुक्रवार राष्ट्रपति रामचन्द्र पौडेलले तीन जनालाई राज्यमन्त्रीमा नियुक्त गरेसँगै मन्त्रिपरिषद्ले पूर्णता पाएको हो । कांग्रेसबाट रुपा विक र पूर्णबहादुर तामाङ र नाउपाबाट अरुण चौधरी राज्यमन्त्री नियुक्त भएका छन् ।
राष्ट्रपति कार्यालयका अनुसार नेपालको संविधानको धारा ७६ को उपधारा (९) बमोजिम प्रधानमन्त्री ओलीको सिफारिसमा चौधरी, विक र तामाङलाई राज्यमन्त्रीमा नियुक्त गरिएको हो ।
नाउपाबाट मन्त्री बनेका अरुणलाई संस्कृति पर्यटन तथा नागरिक उड्डयन, कांग्रेसबाट मन्त्री बनेकी रुपालाई वन तथा वातावरण र पूर्णबहादुरलाई ऊर्जा जलश्रोत तथा सिँचाइ राज्यमन्त्री बनाइएको छ ।
प्रतिक्रिया