मुलपानी बेथेल मण्डलीमा पहिरोले पुरिँदा सुतिरहेकी ७० वर्षीया बृद्धाको घटनास्थलमै मृत्यु, एक घाइते

२ भदौं । रोल्पा नगरपालिका–२ मुलपानीस्थित बेथेल मण्डली आइतबार बिहान माथिबाट आएको पहिरोले पुरिँदा मण्डलीमा सुतिरहेकी सोही नगरपालिका–१० धाङ्सी बस्ने ७० वर्षीया धनजिता बुढा मगरको घटनास्थलमै मृत्यु भएको छ ।
साथै पहिरोले पुरिँदा घाइते भएका मण्डलीमा सुतिरहेका सोही नगरपालिका–४ खाद्य टोल बस्ने सुनछहरी गाउँपालिका–३ बाहिरी गाम घर भएकी १८ वर्षीया नौमा घर्तिमगर र २८ वर्षीय सागर बुढा मगरलाई उपचारको लागि रोल्पा अस्पताल रेउघा पठाइएको छ ।
घटनाका सम्बन्धमा प्रहरीले आवश्यक उद्दार कार्य तथा अनुसन्धान गरिरहेको जानकारी दिएको छ ।