रामेछापको दोरम्बामा पहिरोमा परी दुई जनाको मृत्यु, ८ बेपत्ता

९ भदौ । रामेछापको दोरम्बा शैलुङ गाउँपालिका-३ लेकखर्कमा पहिरोमा परी दुई जनाको मृत्यु भएको छ । सोही पहिरोमा परी ८ जना हराइरहेका छन् ।

शनिबारदेखि भएको अविरल वर्षापछि पहिरो गएको छ । पहिरोमा पुरिएकामध्ये दुई जनाको शव निकालिएको छ भने हराइरहेकाहरूको खोजी भइरहेको छ । शव भेटिएकामध्ये एक जना बालक छन् ।

स्थानीय र प्रहरीले उद्धारको प्रयास गरिरहेका छन् । ठूलो पहिरो गएकाले उद्धारमा कठिनाइ भइरहेको जनाइएको छ । पहिरोले ३ वटा घर र एउटा पक्की पुल बगाएको छ ।