दक्षिण ललितपुरका युवक बन्दुकसहित पक्राउ

कोन्ज्योसोमबाट खटिएको प्रहरीले उनको घर तलासी गर्ने क्रममा उक्त बन्दुक फेला पारी उनलाई पक्राउ गरेको हो

ललितपुर
२८ भदौ । दक्षिण ललितपुरका युवक बन्दुससहित पक्राउ परेका छन् ।

प्रहरीका अनुसार कोन्ज्योसोम गाउँपालिका १ ठोस्ने खोला बस्ने २१ वर्षीय सन्तोष सापकोटालाई भरूवा बन्दुक १ थान सहित बिहीबार दिउँसो प्रहरीले पक्राउ गरेको छ ।
इलाका प्रहरी कार्यालय कोन्ज्योसोमबाट खटिएको प्रहरीले उनको घर तलासी गर्ने क्रममा उक्त बन्दुक फेला पारी उनलाई पक्राउ गरेको हो ।
पक्राउपछि उनको सम्बन्धमा प्रहरीले थप अनुसन्धान गरिरहेको बताएको छ ।