दक्षिण ललितपुरको गोटीखेल बजार बाढीका कारण ध्वस्त, बैर्तणी धाम, प्रहरी चौकी र एक दर्जन घर बगायो

ललितखबर
१३ असोज । दक्षिण ललितपुरको महाकाल गाँउपालिकाको केन्द्र गोटिखेल बजार बाढीले ध्वस्त बनेको छ ।
अविरल बर्षापछि बजारनजिकैबाट बग्ने धामिखोला उर्लेर आउँदा वैर्तर्णी धाममा मन्दिर,पाटी, चौसठी शिवलिंग,धारालगायत संरचना सबै बगाएको हो ।
महाँकाल गाँउपालिकाका प्रमुख कार्यकारी अधिकृत अशोक विष्टका अनुसार
गोटीखेल बजार ६ जनाको मृत्यु भएको बताए । उनले भने, हिलसाइड बोर्डिङ स्कूल,टुंगुन प्रहरी चौकी,वैर्तर्णी धामलगायत संरचना बगाएको छ ।
बाढीपछि गोटिखेल बजार माटो र ढुंगा बगाएर ल्याएपछि बगरमा परिणत भएको उनको भनाई छ ।
गाँउपालिका अध्यक्ष गणेश केसी उद्दारका लागि काठमाडौंबाट दक्षिण ललितपुर जान नसकेको बताए । उनले भने, ‘सबै बाटो पहिरोले बन्द छ ।’
‘उद्दारका लागि हेलिकप्टर लैजान प्रयास गरिरहेको छु ।’ उनले भने ।
पालिकाभर पचासौं घर बगाएको अध्यक्ष केसी बताउछन् ।