राजधानीमा भएको स्कुटर दुर्घटनामा इमाडोलका युवकको मृत्यु

२७ कार्तिक । राजधानीमा स्कुटर दुर्घटना हुँदा ललितपुर इमाडोलका स्कुटर चालकको मृत्यु भएको छ ।
प्रहरीका अनुसार काठमाडौं महानगरपालिका–३२ नरेफाँटबाट ललितपुर ईमाडोलतर्फ जाँदै गरेको अवस्थामा
स्कुटर दुर्घटनामा परेर उनको मृत्यु भएको हो । बा.६५ प ३४३३ नम्बरको स्कुटर सोही ठाँउमा अनियन्त्रित भई गए राति दुर्घटना हुँदा चालक ललितपुर महालक्ष्मी नगरपालिका–१ इमाडोल घर भएका ४७ वर्षीय निश्चल ताम्राकारको मृत्यु भएको छ ।
उनको दुर्घटनामा गम्भीर घाइते भएपछि उपचारका लागि सिभिल अस्पताल बानेश्वर लगिएको थियो । उपचारको क्रममा उनलाई डाक्टरले मृत घोषणा गरेका हुन् ।