२९ कार्तिक । आज एकाविहानै दार्चुलाबाट दुखद खबर सार्वजनिक भएको छ ।
जीप दुर्घटनामा ७ जनाको मृत्यु भएको छ भने ६ जनाको सनाखत भएको छ । मालिकार्जुन मन्दिरमा जात्रा हेरेर गोकुलेश्वरतर्फ फर्किरहेका स्थानीयहरु चढेको जिप दुर्घटनामा भएकोे बताइएको छ ।
दार्चुलाको शैल्यशिखर नगरपालिका –६ को बकजेबलामा म १ ज ३३८ नम्बरको जिप आज बिहान करिब चार बजेतिर दुर्घटना भयो । दुर्घटनामा ६ जना गम्भीर घाइते भएका छन् ।
दुर्घटनामा मृत्यु हुनेमा दार्चुलाको शैल्यशिखर नगरपालिका–५ लेकगाउँका ३० वर्षीय वीरेन्द्र रावल, सोही ठाउँका २८ वर्षीय शान्ति रावल, शैल्यशिखर–९ नकतडका ४५ वर्षीय दिलीप विष्ट, बैतडीको डिलाशैनी–५ का १५ वर्षीय सञ्जीव बोहरा र भारत उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिमको मृत्यु भएको दार्चुलाका प्रहरी नायब उपरीक्षक प्रकाश दाहालले जानकारी दिएका छन् । अर्का एक मृतकको भने सनाखत हुन बाँकी छ ।
प्रतिक्रिया