काठमाडौं आउँदै गरेको ट्रक त्रिशूलीमा खस्यो

४ मंसिर । धादिङ बेनीघाट रोराङ गाउँपालिका- १० खयरघारीबाट एउटा ट्रक आज बिहान त्रिशूली नदीमा खसेको छ। उक्त दुर्घटनामा तीन जना घाइते भएका छन्।
मंगलबार बिहान करिब ६ बजे पृथ्वी राजमार्गमा पर्ने रारोङ- १० जोगीमारास्थित हुग्दी खोला नजिकैबाट लु २ ख २५० नम्बरको ट्रक त्रिशूली नदीमा खसेको जिल्ला प्रहरी कार्यालय धादिङले जनाएकाे छ ।

दुर्घटनामा ट्रक चालक नवलपरासी पश्चिम घर भएकाका २७ वर्षीय आशिष महतो, सहचालक २६ वर्षीय राजु थापा र ट्रक धनी खैरहनी नगरपालिकाका ४६ वर्षीय सुरेश गुरुङ घाइते भएका छन्।

दुर्घटनाको कारण नखुले पनि ट्रक आफैँ अनियन्त्रित भई त्रिशूली नदीमा खसेको अनुमान प्रहरीले गरेको छ।