श्रीलालीगुराँस सहकारीको रकम अझै भएन फिर्ता

हामीले मागदाबीको सूचना पटक पटक प्रकाशन गरेका छौं । ऋणीहरुसँग रकम असुलीको ताकेता गरिरहेका छौं

ललितखबर
पुल्चोकस्थित श्रीलाली गुराँस बुहुउद्देश्यीय सहकारी सस्थाले झण्डै दुई बर्षसम्म बचतकर्ताको रकम फिर्ता गरेन । प्रर्दशन, उजुरी र मुद्दामामिलाको श्रृखलापछि अन्ततः गत चैत्रमा सहकारी मन्त्रालयले खारेजीको निर्णय ग¥यो ।
सहकारी खारेजीपछि समस्याग्रस्त सहकारी व्यवस्थापन समितीले कार्यालय र कागजात नियन्त्रणमा लिएर बचतफिर्ताको प्रकृया सुरु ग¥यो । तर सहकारी नियन्त्रणमा लिएको एक बर्ष पुग्न लाग्दा समेत बचतकर्ताको रकम फिर्ता दिएको छैन ।
समितीका अध्यक्ष श्रीमनकुमार गौत्तम रकम फिर्ताको प्रयास भइरहेको बताउछन् । भन्छन्, ‘हामीले मागदाबीको सूचना पटक पटक प्रकाशन गरेका छौं । ऋणीहरुसँग रकम असुलीको ताकेता गरिरहेका छौं ।’
सहकारीको बचतफिर्ताका लागि तत्कालीन व्यवस्थापकहरुको सकारात्मक भूमिका जरुरी हुने अध्यक्ष गौत्तम बताउछन् । ‘सबैको सहयोगमा हामीले बचतकर्ताको रकम फिर्ता गर्ने हो’ उनी भन्छन् ।
समितीकी कर्मचारी प्रतिक्षा शर्मा रकम फिर्ता गर्न अझैं केही महिला लाग्नसक्ने बताउछिन् । भन्छिन्, ‘हामी निरन्तर काम गरिरहेका छौं ।’
समितीले तत्काल १ लाखभन्दा कम बचत भएका बचतकर्ताको रकम फिर्ता गर्ने शर्मा बताउछिन् । भन्छिन्, ‘ठूलो रकम भएका बचतकर्ताको फिर्ता गर्न समय लाग्छ । हामीले पनि सम्पती लिलामी र ऋणीबाट असुल गरेर दिने हो ।’ समितीले शेयरधनीको शेयरबापतको रकम भने अन्तमा फिर्ता गर्ने भएको छ । सबै बचतकर्ताको रकम फिर्ता गरेपछि नाफा घाटाको हिसाव गरेपछि बाँकी रहेको रकम दामासाहीले फिर्ता गर्ने समितीको योजना छ ।
खारेजीमा गएपछि सहकारी आफैले संचालन गरिरहेका सबै व्यावसाय घाटामा छन् । कतिपय व्यावसाय अहिले बन्द छन् । सहकारीका संचालक एबं प्रमुख कार्यकारी अधिकृत सुरेन्द्र भण्डारी बचतकर्ताको रकम फिर्ताका लागि समितीसँग सहकार्य गर्नुको सट्टा सहकारी खारेजीको विरुद्ध अदालत गएपछि कामका अन्यौल भएको कर्मचारी आरोप लगाउछन् । आरोपबारे बुझ्न खोज्दा भण्डारी सम्पर्कमा आउन चाहेनन् ।
समयमै रकम फिर्ता नहुँदा बचतकर्ता मर्कामा परेका छन् । जीवनभरको कमाई व्याजको भरमा जीवन चलाउने आशमा धेरैले सहकारीमा बचत गरेका थिए । तर सहकारीले व्याज र सावा समेत नदिएपछि बचतकर्तालाई आपत परेको छ । सहकारी खारेज गरेर बचत फिर्ताको निर्णय गरेपछि धेरै सहकारीका सदस्य हर्षित भए पनि लामो समयसम्म रकम फिर्ता नगर्दा अन्यौल श्रृजना भएको छ ,।

 

गाई फामबाट कमाएको पैसाले २ सय ९६ वटा गाईलाई आहारा किन्न पुग्दैन । पछिल्लो समय समस्या बढ्दै गएको छ

गाई पाल्नै समस्या
लालीगुराँस सहकारीले चितवनको खैरहनीमा गाई फाम सञ्चालन गरिरहेको छ । सहकारी खारेजीको निर्णयसँगै गाईफामको कन्तविजेक गएको छ ।
गाईलाई दाना खुवाउन रकम अभाव भएपछि के कसरी व्यवस्थापन गर्ने भन्ने विषयमा शुक्रबार समस्याग्रस्तको कार्यालयमा लागीगुराँस सहकारीका पुर्व व्यवस्थापनले छलफल गरेको छ ।
समितीले माफको गाई बिक्रिको लागि सूचना प्रकाशन गरेर प्रस्ताव आह्वान गरेको छ । बिक्री नहुन्जेल व्यवस्थापन गर्न समस्या भएको छ ।
एक कर्मचारी भन्छन्, ‘गाई फामबाट कमाएको पैसाले २ सय ९६ वटा गाईलाई आहारा किन्न पुग्दैन । पछिल्लो समय समस्या बढ्दै गएको छ ।’