ललितपुरको भैसेपाटीमा माइक्रो बसको ठक्करबाट पैदलयात्रीको निधन

ललितपुर
ललितपुरको भैसेपाटी मगरगाँउमा माइक्रो बसको ठक्करबाट पैदलयात्रीको निधन भएको छ ।
प्रहरीका अनुसार ललितपुर महानगरपालिका १८ भैसेपाटी मगरगाउँस्थित सडकमा बा.२ ख ३१०२ नम्बरको माइक्रोले पैदलयात्री सोही ठाउँ बस्ने रामेछाप मन्थली नगरपालिका–७ घर भएकी ३५ वर्षीया गोमा मगरको सोमबार साँझ निधन भएको हो ।
ठक्करबाट गम्भीर घाइते भएकी उनको पाटन स्वास्थ्य विज्ञान प्रतिष्ठानमा उपचारको क्रममा निधन भएको प्रहरीले जानकारी दिएको हो ।
उक्र माइक्रोले रोकी राखेको बा.७ च ५९८७ नम्बरको बोलेरो गाडी र पैदलयात्रीलाई समेतलाई ठक्कर दिई दुर्घटना भएको थियो ।
माइक्रो चालकलाई प्रहरीले नियन्त्रणमा लिएर कानूनी कारवाहीको प्रकृया सुरु गरेको जानकारी दिएको छ ।