ललितपुरको धोविघाटमा एक युवती मृत फेला

काठमाडौं
ललितपुरको धोविघाटमा एक युवती मृत फेला परेकी छिन् ।
ललितपुर प्रहरीका अनुसार ललितपुर महानगरपालिका–४ धोवीघाट बस्ने बर्दिया घर भएकी १८ वर्षीया सिम्रन थारू आफ्नै कोठामा मंगलबार मृत अवस्थामा फेला परेकी हुन् ।
साथै बुढानिलकण्ठको बुढनिलकण्ठमा पनि एक बृद्ध मृत फेला परेका छन् । प्रहरीका अनुसार सो नगरपालिका– ५ टुसालस्थित आफ्नै निर्माणाधीन घरमा दोलखा घर भएका ६६ वर्षीय तिलक बहादुर श्रेष्ठ मृत भेटिएका हुन् ।
दुबै घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।