ललितपुरको हरिसिद्दिमा साइकल दुर्घटनामा एक बृद्धको मृत्यु

ललितपुर
ललितपुरको हरिसिद्दिमा भएको दुर्घटनामा एक बृद्धको मृत्यु भएको छ ।

प्रहरीका अनुसार सोमबार हरिसिद्धिमा ५२ वर्षीय मकवानपुर घर भएका भिमराज थिङको साइकल दुर्घटनामा बेलुकी मृत्यु भएको छ ।

घटना विवरण अनुसार ललितपुर महानगरपालिका २९ हरिसिद्धीस्थित सडकमा साइकल अनियन्त्रित भई दुर्घटना हुँदा साइकलयात्री थिङको मृत्यु भएको हो ।

दुर्घटनामा गम्भीर घाइते भएका उनको उपचारका लागि पाटन अस्पताल लगिएको थियो । उनको उपचारको क्रममा डाक्टरले उनलाई मृत घोषणा गरेका थिए ।