दक्षिण ललितपुरको कालेश्वरबाट सार्वजनिक बस सञ्चालनपछि लड्डु बाँडेर खुशीयाली मनाइयो

पहिले पनि बस सञ्चालनमा थियो । विविध कारणले बन्द भयो । अहिले रुट दर्ता गरेर बस सञ्चालनमा ल्याइएको छ

ललितखबर
दक्षिण ललितपुरको कालेश्वरबाट बस सञ्चालनमा आएपछि लड्डु बाँडेर खुशीयाली मनाइएको छ ।
कालेश्वरमा बस पुगेपछि गाँउपालिकाकी उपाध्यक्ष डोल्मा मायाँ गोलेले चालक विजय लामालाई खादा लगाएर स्वागत गरिन् ।
वडाध्इक्ष भूमिनन्द घिमिरेका अनुसार तत्काल एउटा बस सञ्चालनमा ल्याइएको हो । उनले भने, ‘पहिले पनि बस सञ्चालनमा थियो । विविध कारणले बन्द भयो । अहिले रुट दर्ता गरेर बस सञ्चालनमा ल्याइएको छ ।’
सुदुर दक्षिण ललितपुरबाट उपत्यका आउन र जान बस सेवा सञ्चालन नहुँदा यहाँका यात्रु मालबाहक सवारीमा झुण्डिएर यात्रा गर्न बाध्य थिए ।
बस महाङ्काल गाउँपालिकाको माङमुङ, कालेश्वर वडा कार्यालय, कतवन हुँदै मध्यमार्गी सडकबाट बस चापागाँउ हुनेछ ।
बस व्यवसायी विजय लामाले नियमित बस सञ्चालन हुने बताएका छन् ।