दक्षिण ललितपुरको गिम्दीमा मोटर साइकलबाट दुर्घटनामा महिलाको मृत्यु

काठमाडौं
दक्षिण ललितपुरको गिम्दीमा मोटर साइकलमा दुर्घटनामा परेर एक महिलाको मृत्यु भएको छ ।
प्रहरीका अनुसार ललितपुरको बाग्मती गाउँपालिका ७ गिम्दी दोर्जेलिङ डाँडामा भएको मोटरसाइकल दुर्घटनामा काभ्रे बेथानचोक गाउँपालिका–१ सुकुम घर भएकी ३८ वर्षीया मेनुका गौतमको मृत्यु भएको हो ।
सो सडकमा बा.६८ प २२०८ नम्बरको मोटरसाइकलबाट खसेर उनको मृत्यु भएको हो ।
आइतबार दिउँसो भएको सो दुर्घटनामा परेका मोटरसाइकल चालकलाई प्रहरीले नियन्त्रणमा लिएको छ ।
गौतम भवितव्य घटनाका कारण घर फर्कदै गरेको अवस्थामा भएको दुर्घटना भएको बुझिएको छ ।