ललितपुर महानगरले पोखरी संरक्षणका लागि आफ्नै वडा कार्यालय डोजर लगाएर भत्कायो

ललितपुर
ललितपुर महानगरपालिकाले आफ्नै वडाकार्यालय डाजर लगाएर भत्काएको छ ।
ललितपुरको लगनखेलस्थित जिल्ला अदालत अगाडि रहेको वडा कार्यालय र नजिकका १६ वटा सटर डोजर लगाएर भत्काएको हो ।
लगनखेलस्थित न्हुँ पुखु संरक्षणका लागि सो वडा कार्यालय भत्काइएको हो ।
भवन र सटरहरु हटाएपछि ऐतिहासिक साँस्कृतिक सम्पदा न्हुँ पुखु अव सडकबाटै देखिन्छ भने लगनखेलको पुरातात्विक सम्पदाको ऐतिहासिकता झल्कने भएको छ ।
वडा कार्यालय भत्काउने क्रममा मेयर चिरीबाबु महर्जन समेत उपस्थित थिए । भवन भत्काउदा धुलो नउडोस् भनेर पानीको प्रयोग गरिएको थियो ।
महानगरले लगनखेलमा रहेको नमूना मच्छिन्द्र विद्यालयले अतिक्रमण गरेको भवन समेत भत्काएर सप्तपाताल पोखरी निर्माण सुरु गरेको छ ।