इमाडोलमा मध्यराती युवकको खुकुरी प्रहार गरेर हत्या

ललितपुर
ललितपुरको इमाडोलमा एक युवकको गएराती खुकुरी प्रहार गरेर हत्या भएको छ ।
ललितपुर प्रहरीका अनुसार ओचुहाइटमा रामेछाप घर भई महालक्ष्मी नगरपालिका–४ ओचुहाइट बस्ने ३० वर्षीय रिपक खातीको गएराती करिव १ बजेतिर हत्या भएको हो ।

रामेछाप घर भएका सुमन रसाइलीले उनलाई खुकुरी प्रहार गरेर हत्या गरेको प्रहरीको भनाई छ । हत्यामा संलग्न २५ वर्षीय रसाइलीलाई प्रहरीले पक्राउ गरिसकेको छ ।

खातीको घाँटी र गालामा चोट लागेको छ । घटनाका सम्बन्धमा ललितपुर प्रहरीले थप अनुसन्धान गरिरहेको जानकारी दिएको छ ।