दक्षिण ललितपुरको बुढीदेवि वनमा आगो लगाउनेको खोजी सुरु

ललितखबर
दक्षिण ललितपुरको वागमती ५ गढी भञ्ज्याङनजिकै बुढीदेवि सामुदायिक वनमा डढेलो लगाउनेको खोजी सुरु भएको छ ।
गतमंगलबार बनमा डढेलो लगाइएको पाएपछि यहाँका गाँउमा त्रास फैलिएको थियो ।
आश्राङ प्रहरी चौकीका अनुसार स्थानीय, प्रहरी र लेले कोटडाँडास्थित सूर्य सूर्यदल गणबाट खटिएका सैनिकले सो आगो नियत्रणमा लिएका थिए ।
सयौ संख्यामा खटिएका स्थानीय र सुरक्षाकर्मीको सहयोगमा आगो नियन्त्रणपछि आगो लगाउने व्यक्ती बारे अनुसन्धान सुरु गरिएको प्रहरीले ललितखबरलाई जानकारी दिएको छ ।
सुख्खा मौसममा आगो लगाउदा बस्तीमा पस्ने डर थियो । डढेकोका कारण सयौं संख्यामा वन्यजन्तु र चराचुरुंगी मर्ने हुँदा पर्यावरणमै असर पर्ने गरेको छ ।
पछिल्लो समय सामुदायिक वनमा घाँस दाउरा पाउने लोभमा स्थानीयले नै वनमा आगो लगाइने गरेको पाइन्छ । सामुदायिक वनमा काँचो रुख काट्न नपाउने नियमका कारण आगोले रुख मर्ने र दाउरासँगै वनमा घाँसको लोभमा डढेलो लगाउने गरेको पाइन्छ ।
सरकारसँग डढेलो लगाउनेलाई कारवाहीका लागि स्प्रष्ट कानूनको अभाव र अनुसन्धान नहुँदा अपराधिलाई कारवाही हुने गरेको पाइदैन ।