काठमाडौं । प्रधानमन्त्री केपी शर्मा ओलीले पूर्वराजा ज्ञानेन्द्र शाहले संवैधानिक सम्झौता उल्लंघन गरेको बताएका छन् । सोमबार प्रतिनिधिसभाको बैठकलाई सम्बोधन गर्दै उनले सो कुरा बताएका हुन् ।
‘पूर्वराजा ज्ञानेन्द्र शाहले गत ७ फागनुमा आफू अघि बढ्ने भएकाले साथ देउ भन्दै वक्तव्यबाजी गर्नुभयो । त्यसको लगत्तै ठाउँठाउँमा स्वागत कार्यक्रम राख्दै जनमत भड्काउने काम सुरु गरियो । २५ फागुनमा कथित् स्वागत सवारी आयोजना गरियो । १४ चैतमा समाज बिथोल्न लागिपरेका एक जना अवाञ्छित व्यक्तिलाई निवासमा डाकेर कथित् जनकमान्डर तोक्नुभयो र हिंसात्मक गतिविधिका लागि खटाउनुभयो,’ उनले भने, ‘प्रारम्भिक अध्ययनमा यी सब घटनाले स्पस्ट पार्छ, पूर्वराजा ज्ञानेन्द्र शाहले संविधानको ऐतिहासिक निर्णय पछि भएको सम्झौताको उलंघन गर्नुभएको छ ।’
गत शुक्रबार राजावादीहरूले तीनकुनेमा हिंसात्मक प्रदर्शन गरेपछि प्रधानमन्त्रीकाे यो भनाइ आएको हो ।
प्रतिक्रिया