शिक्षक आन्दोलनविरुद्ध गोदावरी नगरपालिका, विद्यालय खुलाउन सूचना प्रकाशित

ललितखबर
पछिल्लो समय देशभरका शिक्षकहरु आफ्ना माग पुरा गर्न दबाबमुलक आन्दोलन गरिरहेको अवस्थामा गोदावरी नगरपालिकाले भने विद्यालय खुलाउन सूचना प्रकाशित गरेको छ ।
नगरपालिकाका मेयर गजेन्द्र महर्जनको हस्ताक्षर रहेको सूचनामा यही वैशाख १५ गतेदेखि नगरका सबै विद्यालय खुलाएर भर्ना अभियान र पठनपाठन सुरु गर्न भनिएको छ ।
संघीय सरकारले माग पुरा नगरेको अवस्थामा स्थानीय सरकारले सूचना प्रकाशित गरेर काममा फर्कन उर्दी जारी गर्नुलाई दवाव दिइएको रुपमा लिदै सामाजिक सञ्जालमा आलोचनासँगै विभिन्न टिप्पणी गरेका छन् ।
विद्यालयलाई केन्द्र सरकार मातहत राखेर नियमन गर्न माग राखेर आन्दोलन गरिरहेको सन्दर्भमा स्थानीय सरकारको रुपमा रहेको नगरपालिकाले सूचना प्रकाशित गरेर दबाब दिएको हो ।

शिक्षकहरुको माग पुरा गरेर तीन दिनभित्र पठनपाठनको वातावरण बनाउन सर्वोच्चको आदेशपछि आज सरकार र शिक्षकहरुबीच वार्ता हुँदैछ ।