दक्षिण ललितपुरको टिकाभैरवमा मिनी टाटा दुर्घटना

ललितखबर
दक्षिण ललितपुरको टिकाभैरवमा मिनी टाटा दुर्घटना हुँदा तीन जना घाइते भएका छन् ।
महानगरिय प्रहरी बृत्त चापागाँउका अनसार महाकाल गाउपालिका २ मानिखेलबाट चापागाँउतर्फ सवार दुध बोक्ने बालवाहक गाडी गोदावरी नगरपालिका ६ टिकाभैरवमा आज विहान ११ बजे ब्रेक फेल भएर दुर्घटना भएको हो ।
प्रहरीका अनुसार महाँकाल गाँउपालिका २ मानिखेल निवासी सवारी धनी तथा चालक ध्रुवप्रसाद तिमल्सिनाले चलाइरहेको अवस्थामा टिकभैरव मन्दिर नपुग्दै ओरालोमा ब्रेक फेल भएर गाडी खोलामा पल्टेको थियो । दुर्घटनामा उनी सहित वर्ष २० की श्रृजना तिमल्सिना र वर्ष २० का निरज तिमल्सिना घाइते भएका छन् ।
घाइते तीनै जनाको अवस्था सामान्य रहेको र उनीको उपचारपछि घर फर्केको प्रहरीको भनाई छ ।
स्थानीय प्रत्यक्षदर्शी श्यामकृष्ण श्रेष्ठका अनुसार गाडी बल्ड्याङ खाएर खोला नजिकै पुगेको थियो ।
दुर्घटनापछि करिव १ हजार लिटर दुध पोखिएर नष्ट भएको छ ।