आजदेखि कक्षा १२ को परीक्षा : कक्षा कोठामा मोवाइल लगे कारवाही

आज बिहान ८ः०० बजेबाट देशभरका परीक्षा केन्द्रबाट एकैसाथ सुरु हुने कक्षा १२ को परीक्षामा मोवाइललगायत सरसामाग्री लगेमा कारवाही हुने भएको छ ।

शिक्षक÷कर्मचारी÷निरीक्षक÷परीक्षार्थीहरूबाट मोबाइललगायत प्रतिबन्धित सामग्री लगेको अवस्थामा सर्च÷अनुगमन गर्दा नियन्त्रणमा लिएमा उक्त सामग्रीका सम्बन्धमा शिक्षा ऐन, २०२८ को दफा १७ (१ क) ‘च’ अनुरूप परीक्षाको मर्यादा भङ्ग गरेको अभियोगमा कानुनी कारबाही गरिने व्यवस्था गरिएको छ ।

परीक्षाको पहिलो दिन अनिवार्य अङ्ग्रेजी, संस्कृत रचना, बुद्ध शिक्षा, उर्दू व्याकरण विषयको परीक्षा हुनेछ ।
परीक्षामा साधारण र परम्परागत धारतर्फका नियमित तथा आंशिक परीक्षार्थी (रजिस्ट्रेशन नम्बरका सुरुका दुई अङ्क ७८, ७९, ८० र ८१ हुने) र प्राविधिक धारतर्फका नियमित तथा आंशिक परीक्षार्थी (रजिस्ट्रेशन नम्बरका सुरुका दुई अङ्क ७९, ८०, ८१ हुने) सहभागी हुने बोर्डले जनाएको छ ।

परीक्षा बिहान ८ः०० बजे सुरु भएर ११ः०० बजे सम्पन्न हुने छ ।