आगलागीमा फसेकी महिला ढोका फोरेर उद्धार, उपचारको क्रममा निधन

लमजुङ
सुन्दर बजार नगरपालिका–९ बुद्धटोलस्थित भरत थापाको घरमा आगलागी हुँदा भाडामा बसेकी एकल महिलाको जलेर निधन भएको छ ।

जिल्ला प्रहरी कार्यालयका सूचना अधिकारी राजकिशोर शाहीका अनुसार दोर्दी गाउँपालिका–१ की ७० वर्षीया मिठी थापाको निधन भएको हो ।
आज बिहान करिब ३ः३० बजे आगलागी भएपछि प्रहरी र स्थानीयले उनी बस्नु भएको कोठाको ढोका फोरेर उनलाई उद्धार गरेका थिए ।
जलेर गम्भीर घाइते हुनुभएकी उनको बेँसीसहरस्थित प्रदेश अस्पतालमा उपचारका क्रममा निधन भएको हो ।