इमाडोल बोझेपोखरीमा दिउँसै चोरी

ललितपुर
ललितपुरको इमाडोलको एक घरमा दिउँसै चोरी भएको छ ।
प्रहरीका अनुसार महालक्ष्मी नगरपालिका ३ बोझेपोखरी डेरा गरी बस्ने कास्की पोखरा महानगरपालिका १३ पुर्णहल घर भएका बिधान श्रेष्ठको कोठाबाट चोरी भएको हो ।

उनको कोठाबाट सुनका विभिन्न गरगहना र नगद समेत गरी करिब १ लाख ६० हजार रूपैयाँ बराबरको धनमाल आइतबार दिउँसो चोरी भएको प्रहरीको भनाई छ ।
प्रहरीले चोरीमा संलग्न हाल फरार व्यक्तिहरूको खोजी गर्नुका साथै घटनाका सम्बन्धमा आवश्यक अनुसन्धान गरिरहेको बताएको छ ।