ललितपुर महानगरको राजस्व संकलन ७५ प्रतिशत मात्रै

ललितखबर
ललितपुर महानरले चालु आर्थिक बर्षमा ७५ प्रतिशत मात्रै राजस्व संकलन गर्न सफल भएको छ ।
ललितपुरको एक पार्टी प्यालेसमा पत्रकार सम्मेलन गरेर महानगरले लक्ष्य अनुसार राजस्व संकलन गर्न नसकेको तथ्याङ्क सार्वजनिक गरेको हो ।
गत आर्थिक बर्षका लागि महानगरले ६ अर्ब ५० करोड ५ लाख ८८ हजार रुपैयाँ बराबरको बजेट सार्वजनिक गरेको थियो ।
महानगरले चालु आर्थिक बर्षमा ६८.१४ प्रतिशत मात्रै खर्च गरेको छ । त्यसमध्ये चालुतर्फ ८५.३२ र पुँगगतर्फ ६०.६२ प्रतिशत मात्रै छ । महानगरले बेरुजु भने ०.५२ प्रतिशत मात्रै रहेको जनाएको छ ।
आगामी आर्थिक बर्षमा महानगरको आर्थिक विकाशका लागि ८ प्रतिशत,पुर्वाधार विकासका लागि ६६ प्रतिशत,सामाजिक विकाशका लागि २८ प्रतिशत, विपत ब्यवस्थापनका लाग ६ प्रतिशत र सुशासन र अन्य विधामा ३ प्रतिशत बजेट छुट्याएको छ ।