भक्तपुर। भक्तपुरको मध्यपुर थिमि नगरपालिका–९, राधेराधेस्थित राधेराधे स्विट्स मिठाई पसलमा आज ग्याँस लिक भएपछि आगलागी भएको छ। पसलका सञ्चालक हेमराज सिवाकोटीका अनुसार ग्यास सिलिन्डरबाट लिकेज हुँदै जाँदा रेगुलेटर र पाइपमा अचानक आगो सल्किएको थियो।
घटना भएको जानकारी पाएपछि जुद्ध बारुण यन्त्र कार्यालय भक्तपुरको दमकल टोली तत्काल घटनास्थल पुगेको थियो। दमकल र स्थानीयवासीको सहयोगमा आगो छोटो समयमा नियन्त्रणमा लिन सफल भएको जुद्ध बारुण कार्यालयले जनाएको छ।
आगलागीबाट ग्यास रेगुलेटर र पाइप जलेर नोक्सानी पुगे पनि अन्य कुनै ठूलो क्षति नभएको प्रहरीले बताएको छ। समयमै नियन्त्रणमा ल्याइएको आगलागीले थप जोखिम टरेको जनाइएको छ।
प्रतिक्रिया