पत्रकार तथा रेडियो अडियोका संस्थापक दिपेन्द्र खनिया नयाँ बानेश्वरमा मृत फेला

काठमाडौं । पत्रकार तथा रेडियो अडियोका संस्थापक दिपेन्द्र खनिया आफ्नै घरमा मृत फेला परेका छन् । जिल्ला प्रहरी परिसर काठमाडौंका एसपी पवनकुमार भट्टराईका अनुसार खनियाँ बानेश्वरस्थित घरमा मृत अवस्थामा फेला परेका हुन् ।

भट्टराईका अनुसार आइतबार मध्यान्ह १२ बजेतिर घरको बरन्डामा तारको पासो लगाएर झुन्डिएको अवस्थामा उनको मृत शरीर फेला परेको हो । एक छोरी र श्रीमतीसहित बस्दै आएका खनिया रेडियो पत्रकारितामा स्थापित नाम हो । उनको मृत्युको कारणबारे अनुसन्धानकै क्रममा रहेको प्रहरीले जनाएको छ ।