अभिनेत्री वर्षा भन्छिन्, ‘यो समाजमा मलाई बाँच्न साँच्चिकै धेरै गाह्रो भइसक्यो’

ललितखबर
नेपाली चलचित्र क्षेत्रकी चर्चित अभिनेत्री वर्षा राउतले आफूलाई यो समाजमा बाँच्न साँच्चिकै धेरै गाह्रो भएको बताइकी छिन् । मिस्टर अर्जुनको नामबाट अभिनेत्री राउतलाई तथानाम गालीजन्य स्टाटस लेखेपछि सो शेयर गर्दै आफूले श्रीमान् संजोकसँग दिएको अन्र्तवार्ताको संन्दभ राख्दै दुखेसो पोखखेकी हुन् ।
उनले श्रीमान्लाई तिमी भनेर सम्बोधन गर्दा समाजले उठाएको प्रश्नप्रति असन्तुष्टि पोखेकी छिन् । भनेकी छिन्,‘श्रीमतीलाई “लाटी, अलछिनि” जस्ता अपमानजनक शब्दले बोल्दा समाज मौन बस्छ । श्रीमतीले सहनुपरेको धोका, चोट, बेइज्जतिमा कसैलाई चासो हुँदैन । तर एउटै महिलाले आफ्नो आवाज उठाई दिँदा “तिमी “ जस्तो सामान्य शब्द बोल्दा पनि उही समाज ऊमाथि नै औँला उठाउन थाल्छ ।’
अभिनेत्री बर्षा र श्रीमान् संजोग कोइराला गएराति एक टेलिभिजन कार्यक्रममा खुलेर बोलेका थिए । श्रीमान् संजोगसँगको सम्बन्धको बारेमा फैलिएको हल्लाको खखण्डन गर्दै दुबैले कहिले काँही घर झगडा भएपछि बजारको हल्लाजस्तो सम्बन्ध संकटमा नपरेको बताएका थिए । दुबैजना टेलिभिजन कार्यक्रममा खुलेर बोलेका थिए ।
अभिनेता अभिनेत्रीहरुको नीजि जीवनका विभिन्न पाटोमा सञ्चारमाध्यमहरुमा चर्चा सुरु भएको विषयलाई सञ्जोगले फेसबुक मोनिटाइजेशनको बेला मसला बिक्रिका लागि भएको भन्दै हल्का रुपमा लिएको सुनाएका हुन् ।