स्रोत नखुलेको ५७ लाखसहित काठमाडौंबाट एक पक्राउ

काठमाडौं । काठमाडौं महानगरपालिका–१४ कुलेश्वरबाट स्रोत नखुलेको ५७ लाख रूपैयाँसहित एकजना पक्राउ परेका छन्। कुलेश्वरमा डेरा गरी बस्ने काभ्रे नमोबुद्ध नगरपालिका–९ का ३४ वर्षीय सरोज श्रेष्ठलाई आइतबार दिउँसो २० लाख नगदसहित पक्राउ गरेको प्रहरीले जनाएको छ। प्रहरी वृत्त कालीमाटीबाट खटिएको टाेलीले उनलाई पक्राउ गरेको हो।
थप अनुसन्धानको क्रममा उनको कोठा तलासी गर्दा स्रोत नखुलेको थप ३७ लाख ४७ हजार ३५० रूपैयाँ फेला परेको प्रहरीले जनाएको छ।