काठमाडौँ । काठमाडौँ महानगरपालिकाले बिहीबार रानीबारी क्षेत्रका दुई कवाडी सङ्कलन केन्द्रमा डोजर चलाएर हटाएको छ। महानगर प्रहरीले टाउन प्लानिङ्ग क्षेत्रमा अवस्थित ती केन्द्रहरू बस्तीको बीचमै भएकाले जोखिम बढाउने भन्दै हटाउने कार्य गरेको हो।
महानगर प्रहरी बलका अनुसार आवासीय क्षेत्रमा कवाडी संकलन केन्द्र सञ्चालन हुँदा स्वास्थ्य जोखिम, आगलागीको सम्भावना र उच्च भीडभाडका कारण सम्भावित दुर्घटना हुनसक्ने हुँदा हटाइएको हो।
महानगरपालिकाले आफू मातहतका सबै कवाडी सङ्कलन केन्द्रहरूको विवरण संकलन गर्दै क्रमिक रूपमा हटाउने अभियान सञ्चालन गरिरहेको छ।
तर, व्यवसायीहरूले भने यो कदमका विरुद्ध आवाज उठाउँदै आएका छन्। उनीहरूले व्यवस्थापनका वैकल्पिक स्थान नदिई केन्द्रहरू हटाइएको भन्दै आपत्ति जनाउँदै आएका छन्।
प्रतिक्रिया