रोमाञ्चक धिमे बाजा नाच

ललितपुर खबर फोटोग्राफी
१० असोज ०७६, पाटन । विश्व पर्यटन दिवसको सन्दर्भमा शुक्रबार पाटन दरवार परिसरमा साँझपख को वातावरण संगीतमय थियो । १ सय २८ नेवारी महिला दरवार परिसरमा एक साथ धिमेबाजामा नाचेर रमाइलो गरे । सम्भवतः धेरै संख्यामा धिमेबाजामा चान देखाइएको यो नै पहिलोपल्छ हो ।

धिमेबाजा नाचमा नातीनी र हजुरआमा एकै साथ नाचिरहेका थिए ।
पर्यटकहरुलाई पाटनको गौरवमय संस्कृती अवलोकन गराउनका लागि यो नृत्यको आयोजना गरिएको पाटन संग्रालयका संग्रालय अधिकृत सुरेश लाखेले बताए । पाटन संग्रालय र ललितपुर महानगरपालिकाले संयुक्त रुपमा आयोजना गरेको धिमेबाजा नृत्य १५ मिनेटसम्म चलेको थियो । नृत्य कार्यक्रम मा मन्त्री गोकर्ण विष्ट, सासंद नवराज सिलवाललगायतको सहभागिता थियो ।