रातारात रंगाइएको राजधानीको दृश्य

ललितपुर खबर फोटोग्राफी
२२ असोज ०७६, काठमाडौं । चीनिया राष्ट्रपति सी जिङ पिङको आसन्न नेपाल भ्रमणको पुर्वसन्ध्यामा राजधानी काठमाडौं रंग्याइएको छ । यहि असोज २७ गते राष्ट्रपति केही घण्टाका लागि काठमाडौं ओर्लिदै छन् । भारत भ्रमणपछि नेपाल आउने बताइए पनि सुरक्षाका कारण सबै बिषय खुलाइएको छैन ।

राजधानीको तीनकुनेस्थित खाली जग्गामा रहेको फोहोर लुकाउन चारैतिर माटो उठाएर रुख रोपिएको छ र वरपर फूलहरु फुलाइएको छ । सडक वरपरका पेटी बार रेलिङ्गमा रंल लगाएर टिलिक्कै टल्काइएको छ ।

निर्माणाधिन वागमती र धोविखोला तिरमा सुन्दर तस्विर अंकित फ्रेक्स बोर्ड राखिएको छ । माइतीघर मण्डला रंग लगाएर चिटिक्क पारिएको छ । कालोपत्रेपछि सडकमा सेता ट्राफिक रेखा कोरिएको छ । आइल्याण्डमा बेमौसमी फुल फुलेको देख्न सकिन्छ ।
राजधानीको मुहार एकाएक फेरिएको देखेपछि तस्विर खिचाउन आगन्तुकहरु सडकमा ओर्लेका छन् ।