कलंकीमा ट्रकले नौ वटा साधनलाई ठक्कर दिदा एकको मृत्यु चार जना घाइते

१२ फागुन, काठमाडौं । काठमाडौंको कलंकीमा ब्रेक फेल भएको ट्रकले ९ वटा सवारी साधनलाई ठक्कर दिदा दुर्घटनामा एक जनाको मृत्यु भएको छ भने ४ जना घाइते भएका छन् ।

आज सोमबार साँझ थानकोटबाट कलंकीतर्फ आउँदै गरेको ट्रकले ढुंगाअड्डाको ओह्रालोमा अगाडिका ट्याक्सी, कार, जिप, स्कुटरलगायतका सवारी साधनलाई ठक्कर दिएको कालिमाटी वृत्तका डीएसपी रुगम कुँवरले जानकारी दिनुभयो ।

उक्त ब्रेकफेल भएको ना ६ ख २८७१ नम्बरको ट्रकले एउटा स्कोरपियो गाडी, ट्याक्सी, भ्यान, दुईवटा मोटरसाइकल, एउटा कार र स्कुटरलाई ठक्कर दिएको प्रहरीले जानएको छ ।

त्यस्तैगरी दुर्घटनामा परि घाइते भएकाहरूको अहिले ट्रमा सेन्टरमा उपचार भइरहेको छ । भने ट्रकका चालकलाई प्रहरीले नियन्त्रणमा लिएको छ ।