११ कात्तिक ०७७,डोटी । जिल्लाका प्रमुख शक्तिपीठ तथा मन्दिरमा विजयादशीका दिन पशुबलि नदिएका कारण सुनसान देखिएको छ । गत वर्षमा दशैँका दिनमा निकै भीड लाग्ने यहाँका शक्तिपीठमा आवतजावत शून्यप्रायः छ । प्रमुख जिल्ला अधिकारी भीमप्रशाद भट्टराइले कोरोना जोखिमका कारण त्यस्ता मन्दीरमा निषेधित क्षेत्र घोषणा गरिएको बताए ।
प्रसिद्ध शक्तिपीठहरु शैलेश्वरीमा रहेको चण्डिका, तिखामा रहेको कालढुङ्गा, दिपायल पिपल्लामा रहेको भगवती मन्दिरमा हजारौँको सङ्ख्यामा पशुबलि दिइने भएपनि यो वर्ष कुनै चहलपहल नभएको स्थानीयबासीहरु बताउँछन् ।
शिखर नगरपालिका–२ कालागाढका स्थानीयवासी रामबहादुर बोगटीले प्रशासनले मन्दिरलाई निषेधित क्षेत्र घोषणा गरेपछि अहिले सुनसान अवस्था देखिएको बताए ।
दिपायल पिपल्लाका स्थानीयवासी कैलाश विकले पशुबली रोकिएपछि भीड पनि घटेको जनाए ।
११ कार्तिक २०७७, मंगलबार
0
Shares
प्रतिक्रिया