पुलिस कुटेको अभियोगमा भक्तपुरबाट २ युवा पक्राउ

३० मङ्सिर ०७७, भक्तपुर । प्रहरीलाई कुटपिट गरेको अभियोगमा भक्तपुरबाट दुई जना युवाहरु पक्राउ परेका छन् । भक्तपुर नगरपालिका ९ च्यामासिंह सूर्यमढीस्थित डिउटीमा खटिएको प्रहरीलाई दुर्व्यवहार गरेको अभियोगमा ती २ जना युवाहरु सोमबार राति प्रहरीले पक्राउ परेका हुन् ।
पक्राउ पर्नेहरुमा भक्तपुर नगरपालिका ९ च्यामासिंह सूर्यमढी बस्ने ३२ वर्षीय विजय नकर्मी र सोही ठाउँ बस्ने १९ वर्षीय रितिक प्रजापती रहेका छन् ।
त्यस स्थानमा सोही ठाउँ बस्ने गिता कोजुको मोबाईल हराएको भन्ने खबर प्राप्त हुनासाथ खटिएको प्रहरीले मोबाइल खोजी सोही ठाउँस्थित पाटीमा फेला पारी सम्बन्धित धनिलाई बुझाएपश्चात विजय र रितिकले प्रहरीलाई एक्कासी हातपात एवं दुर्व्यवहार गरेपश्चात उनीहरुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको बताएको छ ।