सवारी चालक अनुमतिपत्रका लागि अनलाइन फाराम आजदेखि खुला

१४ पुस, ०७७ काठमाडौं । कोभिड–१९ का कारण ९ महिनादेखि बन्द सवारी चालक अनुमतिपत्र (लाइसेन्स) का लागि अनलाइन फाराम आजदेखि खुला भएको छ ।
चैतदेखि बन्द भएको अनलाइन फाराम आजदेखि सातवटै प्रदेशमा खुलेको यातायात व्यवस्था विभागले जनाएको छ ।
स्वास्थ्य सुरक्षाका सबै मापदण्ड पूरा गरेर लिखित तथा ट्रायल परीक्षा लिने व्यवस्थासहित फाराम खुला गरेको हो ।
अहिले मोटरसाइकलमा दैनिक एक सय, स्कुटर र चारपाङ्ग्रे गाडीमा ५०/५० गरी कुल दुई सय जनाले अनलाइन आवेदन दिन पाउने व्यवस्था गरेको विभागले जनाएको छ । काठमाडौं उपत्यकामा चारसहित देशभर विभागका १७ कार्यालयबाट अनुमतिपत्र वितरण, नवीकरण हुँदै आएको छ ।