स्वास्थ्य मन्त्रालयले भन्यो, ‘सभा–समारोह तथा सार्वजनिकस्थलमा कार्यक्रम नगर’

१२ वैशाख ०७८, काठमाडौं। स्वास्थ्य तथा जनसंख्या मन्त्रालयले कोभिड–१९ को संक्रमण तीव्र रुपमा बढेको भन्दै सभा–समारोह तथा सार्वजनिकस्थलमा कार्यक्रम नगर्न आग्रह गरेको छ ।
मन्त्रालयले एक सूचना जारी गर्दै यस्ता कार्यक्रम गर्ने र सहभागी हुने दुवैलाई कारबाहीको दायरामा ल्याउन मन्त्रालयले सम्बन्धित निकायहरुलाई सूचित गरेको हो । मन्त्रालयले स्वास्थ्य सुरक्षाको मापदण्ड अनिवार्य पालना गर्न आग्रह सबैलाई गरेको हो ।
यस्तै मन्त्रालयले समाचार तथा सूचना सम्प्रेषण गर्दा मास्कको प्रयोग अनिवार्य गर्न तथा मास्कको प्रयोग नगरेका व्यक्तिका समाचार तथा सूचनालाई निरुत्साहित गर्न समेत मन्त्रालयले सञ्चारमाध्यमहरुलाई अनुरोध गरेको छ ।