सुनको मूल्य घट्यो, यस्तो छ आजको बजार भाउ

१९ पुस ०७८, काठमाडौं । सोमबार नेपाली बजारमा सुनको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ९३ हजार ४ सय रुपैयाँ कायम भएकोमा सोमबार ३ सय रुपैयाँले घटेर प्रतितोला ९३ हजार १ सय रुपैयाँ कायम भएको हो ।

सोमबार तेजाबी सुन प्रतितोला ९२ हजार छ सय रुपैयाँ कायम भएको महसंघले जनाएको छ ।

सोमबार चाँदीको मूल्य पनि तोलामा पाँच रुपैयाँले घटेको छ । सोमबार चाँदीको मूल्य प्रतितोला एक हजार २ सय ६५ रुपैयाँ कायम भएको छ ।

आइतबार चाँदी प्रतितोला एक हजार २ सय ७० रुपैयाँमा कारोबार भएको महसंघले जनाएको छ ।