१२ माघ ०७८, ललितपुर। नेपालका लागि बजाज मोटरसाइकलको आधिकारिक वितरक हंसराज हुलासचन्द एन्ड कम्पनीले ललितपुर कुपण्डोलको गुसिङगालमा नयाँ सर्भिसिङ सेन्टर सञ्चालनमा ल्याएको छ।
कम्पनीले ‘गुसिङगाल मोटरसाइकल सर्भिस सेन्टर सञ्चालनमा ल्याएको हो। बजाजले अझ बढी सुविधा सम्पन्न बजाज सर्भिस र स्पेयर्स पार्टस देशभर उपलब्ध गराउने उद्देश्यले गुसिङगालमा नयाँ सर्भिसिङ सेन्टर सञ्चालनमा ल्याएको जनाएको छ।
गुसिङगाल मोटरसाइकल सर्भिस सेन्टरमा मोटरसाइकल सर्भिसिङमा २० वर्षको अनुभव भएका दक्ष प्राविधिकहरूबाट सर्भिसिङ गराइने कम्पनीले जनाएको छ।
यो सर्भिसिङ सेन्टरमा जम्मा ५५ मिनेटमा सर्भिसिङ काम सकिने कम्पनीको दाबी छ। एक दिनमा ८० ओटाभन्दा बढी मोटरसाइकलहरू सर्भिसिङ गर्न सक्ने र ग्राहको सुविधाको लागि प्रतीक्षालय र क्याफेको पनि सुविधा रहेको कम्पनीले जनाएको छ।
नयाँ सर्भिसिङ सेन्टरले ग्राहकहरूलाई बाइकको स्पेयर्स पार्टस् तथा एसेसरिज खरिदका लागि समेत सहज बनाउने कम्पनीले बताएको छ।
प्रतिक्रिया