दक्षिण ललितपुरका वागमतीका विष्णु तिमल्सिनाले गठबन्धनबाट टिकट नपाएपछि दिए अध्यक्षमा वागी उम्मेदवारी

१३ वैशाख ०७८, ललितपुर । दक्षिण ललितपुरको वागमती गाँउपालिकाको अध्यक्ष पदमा आकाक्षा राखेका ३ नम्बर भटेटेडाँडाका वडाध्यक्ष विष्णु तिमल्सिनाले गाँउपालिकाको अध्यक्षमा वागी उम्मेदवारी दिएका छन् ।
वागमती निर्वाचन अधिकृतको कार्यलयका अनुसार तिमल्सिनाले अध्यक्ष र डोलकेशर दाहालले उपाध्यक्षको  स्वतन्त्र रुपमा उम्मेदवारी दिएका हुन् । भने वागमती गाँउपालिका १ मा वडाध्यक्षमा नारायण गौत्तमले पनि वडाध्यक्ष पदमा वागी उम्मेदवारी दिएका छन् । उनी पनि नेपाली काँग्रेस नै आवद्ध हुन् ।
गठबन्धनले अध्यक्ष पदमा विर बहादुर लोप्चनलाई उठाउने निर्णय गरेको थियो ।
आफूलाई पार्टीले लामो समयसम्म उम्मेदवारी का लागि टिकट दिने आश्वासन दिएको तर अन्तिम समयमा जातिको आधारमा तामाङ समुदायबाट नउठाए जित्न गाह्रो हुने भन्दै टिकट नदिएको बताए ।
उनलाई गत १४औं पार्टीको महाधिवेशनमा संस्थापन पक्षले (उदयशम्सेर पक्ष)ले टिकट नदिएपछि उनी संस्थापन इतर (मदन बहादुर) पक्षबाट सचिवमा उम्मेदवारी दिएर सम्मानजनक ५ सय ७८ मत ल्याएका थिए । उनले २८ भोटले पराजित भएका थिए ।
उनले सामाजिक सञ्जालमा जनताको इच्छा वितरित टिकट वितरण भएको भन्दै असन्तुष्टि व्यक्त गरेका छन् ।
वडाध्यक्ष तिमल्सिनाले आफूले जित्ने अवस्थामा उम्मेदवारी फिर्ता नहुने बताए । उनले भने, पार्टी बचाउनु पर्ने अवस्था आएमा उम्मेदवारी फिर्ता गर्नेछु ।
तिमल्सिनाले उम्मेदवारी दिने प्रत्यासीको उम्मेदवारी दिने बेलामा गल्ती देखेर गठबन्धनको उम्मेदवारीलाई कायम राख्न पनि उम्मेदवारी दिएको खुलाए ।
पार्टिले गठबन्धनको तर्फबाट विर बहादुर लोप्चनलाई गाँउपालिका अध्यक्षमा उठाएको छ भने उपाध्यक्ष माओवादी केन्द्रका भक्तबहादुर दर्लामी निसानले उम्मेदवारी दिएका छन् ।

तिमल्सिनाले आफूले पार्टी नछोडेको र पार्टी छोड्नु पर्ने कारण नरहेको बताए ।